Маркази Лондонда жойлашган Economist Intelligence Unit – Иқтисодий таҳлил маркази эълон қилган сўнгги ҳисоботга кўра¸ Ўзбекистон пойтахти дунëдаги энг арзон шаҳарлар учлигига киритилди.
Ижтимоий тартибсизлик ва уруш бўлаëтган Венесуэла ва Сурия пойтахтлари¸ бу ерда миллий пул қадрининг кескин тушиб кетиши ва инфляциянинг 1 миллион фоизга ошиши оқибатида дунëнинг энг арзон шаҳарлари деб топилди.
Ҳисобот муаллифлари¸ арзон деб топилган шаҳарларнинг “сиëсий ва иқтисодий беқарорлик” оқибатида дунëнинг бошқа шаҳарларига нисбатан арзонлашганини таъкидлайди.
Арзон шаҳарлар ўнлигидан Олмаота¸ Бангалор¸ Карачи¸ Лагос¸ Буэнос Айрес¸ Ченнай ва Деҳли ўрин олган.
Дунëнинг энг қиммат шаҳарлари рўйхатининг биринчи поғонасига Сингапур¸ Париж ва Ҳонг Конг қўйилди.
Оддий одамлар учун яшаш ниҳоятда қимматлашиб¸ қийинлашиб кетгани айтилган бу шаҳарлардаги алкоголь¸ транспорт ва тамаки маҳсулотлари нархигина бошқа катта ва қиммат шаҳарлар билан солиштириш мумкин деб топилди.