Адлия вазирлиги ўзининг Телеграм каналида жамоат жойларида уятли сўзлар билан сўкиниш, фуқароларга ҳақоратомуз шилқимлик қилиш ҳамда жамоат тартибини ва фуқароларнинг осойишталигини бузувчи шу каби бошқа хатти-ҳаракатларда ифодаланган жамиятда юриш-туриш қоидаларини қасддан менсимаслик майда безорилик, деб малакаланишини эслатди.
Майда безорилик қилганликда айбдор,деб топилганларга энг кам иш ҳақининг уч бараваридан (608 минг 190 сўмдан) беш бараваригача (1 млн 13 минг сўмгача) миқдорда жарима солинади ёки ўн беш суткагача муддатга маъмурий қамоққа олинади.