Қрим яриморолида жойлашган Ялта шаҳрида туғилган кунни нишонлаш чоғида заҳарланган 10 нафар ўзбекистонлик касалхонага ётқизилди. Бу ҳақда РИА Новости Қрим нашрига Ялта мэри Алексей Челпанов маълум қилган.
"Зори России" оромгоҳи яқинидаги объектни қуриш билан шуғулланаётган Ўзбекистон фуқаролари туғилган кунни нишонлаш пайтида тез айнийдиган маҳсулотни истеъмол қилганлар. 10 киши жабрланган. Бу тизимли характерга эга бўлмаган, мутлақо маиший ҳодисадир", деган А.Челпанов.
Ялта мэри заҳарланган шахсларнинг оромгоҳ ходимлари эмаслигини қўшимча қилган. Ҳозирда овқатдан заҳарланган ўзбекистонликлар Ялтадаги юқумли касалликлар шифохонасида даволанмоқда.