Ўзбекистонлик таниқли эстрада хонандаси Азиза турмушга чиқаяпти ва бу унинг ҳаётидаги дастлабки расмий никоҳи бўлади. Бу ҳақда Россия ОАВ га таяниб, podrobno.uz сайти хабар қилди.
Айтилишича, Азиза бўлажак эри, созанда Олег Бескровний билан 30 йил муқаддам танишган. "Россия" телеканали кўрсатувларидан бирида Азиза Олег турмуш қуришни унга Ялтада Янги йил оқшомида таклиф қилганини айтиб берган.
90- йиллардан буён Россияда яшаб, ижод қилиб келаётган Азиза Муҳаммедова концерт фаолиятини Ўзбекистонда бошлаган.