Жорий йилнинг январидан то шу кунгача Россиянинг Санкт-Петербург шаҳридан депортация қилинган мигрантларнинг 57 фоизи Ўзбекистон фуқароларидир.
Регнум агентлигининг Суд ижрочилари федерал хизматига таяниб 30 апрелда хабар беришича, йил бошидан бери Санкт-Петербургдан 426 нафар мигрант Россияда ишлаш тартибини бузгани учун депортация қилинган.
“Депортация қилинган мигрантларнинг беш йил давомида Россия ҳудудига кириши тақиқланади”, дейилади хабарда.
Маълумотда билдирилишича, 2018 йилда Санкт-Петербургга 366 мингдан кўпроқ меҳнат муҳожири келган. Уларнинг асосий қисми, яъни 147 минг 200 нафари ўзбекистонликдир.
2018 йилда Санкт-Петербургга ишлаш учун келган муҳожирларнинг 74 мингдан кўпроғи тожикистонлик ва 30 мингдан кўпроғи қирғизистонликдир.