Олий Мажлиси Сенатининг 3 май куни бошланган 19-ялпи мажлисида “Қишлоқ хўжалигига мўлжалланмаган ер участкаларини хусусийлаштириш тўғрисида”ги Ўзбекистон Республикаси Қонуни маъқулланди.
Бу ҳақда Сенат матбуот хизмати маълум қилди.
Қонун жисмоний ва юридик шахсларга қишлоқ хўжалигига мўлжалланмаган ер участкаларини хусусийлаштириш имкониятини беради.
Айни пайтда¸ қонунда ëзилишича¸ фойдали қазилмалар конлари ¸ давлат мулкидаги стратегик объектлар, табиатни муҳофаза қилиш, соғломлаштириш, рекреация мақсадлари ва тарихий-маданий мақсадлар учун мўлжалланган ерлар таркибига кирувчи ер участкалари, шунингдек ўрмон ва сув фондларининг ерлари, эркин иқтисодий ва кичик саноат зоналари иштирокчиларига берилган ер участкалари хусусийлаштирилмайди.
Шунингдек¸ янги қонунга кўра чет эллик фуқаролар ва юридик шахслар (норезидентлар), фуқаролиги бўлмаган шахслар, агар Ер кодексида ва халқаро шартномаларда бошқача қоида назарда тутилган бўлмаса, хусусийлаштирилган ер участкаларини олиш ҳуқуқига эга эмас.
Қонун президент томонидан имзоланганидан сўнг кучга киради.