Сирдарё вилоятида ота уч фарзанди 18 ёшга тўлгунига қадар бўлган 117.876.000 сўм (Марказий банк курси бўйича $13 905) алимент пулини тўлиқ тўлади.
Бу ҳақда ЎзА ахборот агентлиги хабар қилди.
Отани бу қадар катта миқдордаги алиментни бир вақтда тўлашга алиментдан қарздорлиги учун унга нисбатан мамлакатдан четга чиқишга чеклов қўйилгани мажбур қилган.
Айтилишича, алимент Фуқаролик ишлари бўйича Гулистон туманлараро судининг ижро варақасига асосан ундирилган.
Алиментни тўлаган отага мамлакатдан четга чиқишга чеклов бекор қилинган.