Президент Мирзиёев Рамазон ҳайити арафасида “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги фармонни имзолади, деб хабар қилди маҳаллий нашрлар.
Айтилишича, фармонга мувофиқ, содир этган жинояти учун озодликдан маҳрум қилиш жойларида жазо ўтаётган, қилмишига чин кўнгилдан пушаймон бўлган ва тузалиш йўлига қатъий ўтган 575 нафар фуқаро афв этилди.
Шу жумладан 361 нафар фуқаро жазодан тўлиқ озод қилинади, 214 нафар фуқаронинг эса, озодликдан маҳрум этиш жазо муддатлари қисқартирилади.
Афв этилганларнинг 7 нафари 60 ёшдан ошганлар, 6 нафари аёллар, 1 нафарини чет эл фуқаросидир.
Фармон ижросини таъминлаш мақсадида афв этилган шахсларнинг ижтимоий мослашуви, уларни фойдали меҳнатга жалб этиш ва соғлом турмуш тарзини йўлга қўйишга кўмаклашиш юзасидан масъул вазирликлар, идоралар ва ҳокимликларга тегишли топшириқлар берилди.