Россиянинг Ростов-Дон шаҳрида 16 июль куни Ўзбекистон Республикаси Бош консулхонасининг очилиш маросими бўлиб ўтди. РИА Новости хабарига кўра, мазкур консулхона Жанубий ва Шимолий Кавказ федерал округларидаги ҳудудлар ишини назорат қилади.
Бу дипломатик муассаса Россия Федерацияси ҳудудида очилган консулхоналарнинг олтинчисидир. Аввалроқ Новосибирск, Санкт-Петербург, Екатеринбург, Владивосток ва Қозон шаҳарларида ҳам ўзбек консулхоналари очилганди.