Ўзбекистон Марказий сайлов комиссияси раисининг ўринбосари Гулноза Раҳимова ўз аризасига кўра ишдан кетди. Унинг ўрнига Адлия вазирининг биринчи ўринбосари лавозимида ишлаб келган Маҳмуд Истамов сайланди. Бу ҳақда МСК матбуот хизмати маълум қилади.
Хабарномада МСКнинг23 июль куни бўлиб ўтган мажлисида Сайлов кодекси қабул қилинганлиги муносабати билан Марказий сайлов комиссиясининг бир қатор Низом ва Йўриқномалари ўз кучини йўқотган деб топилгани қайд этилади.