Тошкент-Олмаота-Тошкент йўналишидаги “Тулпор-Тальго” тезюрар поездининг чипта нархлари бўйича қўшимча чегирмалар жорий қилинади. Мазкур қарорга, “Ўзбекистон темир йўллари” матбуот хизматининг маълум қилишича, “Ўзбекистон темир йўллари” АЖга қарашли “Ўзтемирйўлйўловчи” АЖ ва ““Қазақстан темир жўли” миллий компанияси” АЖ қарашли “Пассажирские перевозки” АЖ раҳбарияти иштирокида ўтган музокара чоғида келинган.
Унга кўра, жорий йил 1 августидан бошлаб Тошкент-Олмаота-Тошкент йўналишига 0-5 кун олдин чипта харид қилинса, СВ ҳамда купе туридаги вагонларга – 25 фоиз, ўриндиқли вагонларга – 15 фоиз, қўшимча йиғимларга эса 53 фоизли чегирма берилади.
“Тулпор-Тальго” тезюрар поезди Тошкент билан Олмаота ўртасида 2017 йил март ойидан қатнай бошлаган.