Қозоғистонда 50 ёшли юртдошини ўлдиришда гумонланган ўзбекистонлик қўлга олинди.
Маҳаллий нашрлар хабарига кўра, ҳодиса Олмаота вилояти Уйғур тумани Шўнжи қишлоғида 27 июль куни содир бўлган.
Қотиллик изидан борган полиция 33 ёшли ўзбекистонликни ҳибсга олган. Хабарларда қурбон ҳам, қотилликда гумонланган ҳам Қозоғистонга меҳнат шартномаси асосида келиб, қурилишда ишлагани, битта уйда ижара тургани айтилади. Улар орасида чиққан жанжал бирининг ўлими билан якун топган.
Полициянинг қайд этишича, ҳодиса юзасидан жиноят иши очилиб, тергов ишлари олиб борилмоқда, гумонланувчи эса ҳибсхонада сақланаяпти. Жиноят қуроли бўлган пичоқ топилгани ва тергов материалларига қўшиб қўйилган.