Ўзбекистон президентининг Беларусга ташрифи олдидан 29 июль куни Минскда икки давлат минтақалари форуми иш бошлади.
Беларусь сегодня нашрининг хабар қилишича, икки кун давом этадиган форумда уч секция – саноат кооперацияси, агросаноат комплекси ҳамда гуманитар, ахборот-коммуникация ва фан соҳаларида ҳамкорлик секциялари иш юритади.
Форум якунида ҳамкорликка оид янги минтақалараро битимлар ва тижорат шартномалари имзоланиши кутилмоқда.
Жорий йилнинг 31 июлидан 1 августигача Ўзбекистон президенти Шавкат Мирзиёев расмий ташриф билан Беларусда бўлади. Икки давлат лидерлари сиёсий, савдо-иқтисодий, инвестициявий, маданий-гуманитар ва бошқа соҳалардаги ҳамкорликнинг бугунги аҳволи ва истиқболини, халқаро миқёсдаги долзарб масалаларни муҳокама қилишлари режаланган.