“Ўзбеккино”да тасвирга олинган “Иссиқ нон” бадиий фильми Россиянинг “Киношок” 28- кинофестивали Гран-присига сазовор бўлди.
Режиссёр Умид Ҳамдамов томонидан суратга олинган мазкур фильмда ўйнаган актриса Феруза Саидова энг яхши аёл роли учун, бастакор Тоир Қўзиев эса энг яхши мусиқа учун мукофотланди.
2018 йилда суратга олинган мазкур фильм Ўзбекистонда “Йилнинг энг яхши фильми”, “Энг яхши сценарий” ва “Энг яхши монтаж” номинациялари бўйича “Олтин Хумо” миллий мукофотига сазовор бўлган эди.
“Киношок” 28- кинофестивали Анапада 1 сентябрдан 8 сентябргача ўтказилди. Кинофестивал жюрисига таниқли ўзбек режиссёри Юсуф Розиқов раислик қилди.