Президент Шавкат Мирзиёев Ўзбекистонда қишлоқ хўжалигини ривожлантиришга оид 2020-2030 йилларга мўлжалланган стратегияни тасдиқлади.
23 октябрь куни имзоланган фармонда кейинги 10 йилни ичига олган стратегиянинг устувор йўналишлари белгиланган.
Булар орасида соҳа бошқарувида давлат иштирокини камайтириш, тармоққа йўналтирилган давлат харажатларини босқичма-босқич диверсификация қилиш, тармоқ статистикасининг шаффоф тизимини ишлаб чиқиш каби йўналишлар қайд этилган.
Ҳужжатда пахта хомашёси ва бошоқли дон етиштиришда давлатнинг иштирокидан босқичма-босқич воз кечиш, бу маҳсулотларни етиштирувчилар билан қабул қилувчилар ўртасида маҳсулот ҳажмига қараб шартнома тузиш тизимини йўлга қўйиш, ерларнинг турига қараб экинларни етиштирувчилар томонидан мустақил жойлаштиришини жорий қилиш кўзда тутилган.
Шунингдек, президент фармонида, қишлоқ хўжалигига мўлжалланган ерлар тўлиқ хатловдан ўтказиш режаланган.
Бундан ташқари, ер участкаларига бўлган ҳуқуқнинг ҳақиқий бозор нархини шакллантириш кўзда тутилган.
Фармонда Ўзбекистон қишлоқ хўжалигининг кейинги 10 йилини белгилаб берган стратегияни бажариш билан шуғулланувчи Мувофиқлаштирувчи кенгаш таркиби ҳам белгиланган.
Кенгаш раиси этиб, Бош вазир Абдулла Арипов тайинланган, кенгашнинг ишчи органи этиб Қишлоқ хўжалиги вазирлиги белгиланган.
Шунингдек, президент фармонида, Агросаноат мажмуйи ва озиқ-овқат таъминоти соҳасидаги лойиҳаларни амалга ошириш агентлиги Қишлоқ хўжалиги вазирлиги таркибига ўтказилиши айтилган.