Яқин икки йил ичида Тошкентда Carrefour халқаро брендининг супермаркет ва гипермаркетлари тармоғи очилади. Газета.уз хабарига кўра, бу ҳақдаги битим 28 октябрь куни Дубайнинг Majid Al Futtaim ва Akfa Group ширкатлари ўртасида имзоланган.
Дастлабки босқичда 2020 йили еттита дўкон, жумладан, учта супермаркет ва битта гипермаркет очиш режалаштирилган. Улар Тошкент шаҳар ҳокими Жаҳонгир Ортиқхўжаевники деб ишониладиган Akfa Group ширкатига тегишли 17,4 минг квадрат метрлик объектларга жойлаштирилади.
Akfa компаниялар гуруҳининг чакана савдо бўлинмаси (Atlas) раҳбари Алишер Абдувоҳидов Majid Al Futtaim билан музокаралар 2017 йил февралидан буён олиб борилаётгани айтиб, Carrefour тармоғининг очилиши халқаро стандартларнинг жорий этилиши ва маҳсулотлар сифатининг оширилиши ҳисобига Ўзбекистонда чакана савдони ривожлантиришга ҳисса қўшишига умид билдирган.
Франциянинг Carrefour брендини БААнинг Majid Al Futtaim ширкати 37 та мамлакатда франчайзинг шартлари асосида бошқаради.