Шу кунда Ўзбекистонда ОИВ инфекцияси билан яшовчи шахслар сони 41 мингдан ортиқ. Уларнинг 43 фоизи аёллардир. Бу ҳақда ЎзА ахборот агентлиги хабар қилди.
Ашентлика кўра, Санитария-эпидемиологик осойишталик агентлигида 1 декабрь – Бутунжаҳон ОИТСга қарши кураш куни муносабати билан ўтказилган анжуманда БМТнинг ОИВ/ОИТС бўйича бирлашган дастури – ЮНЭЙДС ташкилотининг Шарқий Европа ва Марказий Осиёдаги раҳбари Виней Салдана, БМТнинг Ўзбекистондаги доимий вакили Хелена Фрейзер, БМТнинг Гиёҳвандлик ва жиноятчиликка қарши кураш қўмитасининг минтақавий ваколатхонаси раҳбари Ашита Миттал, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги директори Баҳром Алматов ва бошқалар иштирок этган.
Ўзбекистонда “Одамнинг иммунитет танқислиги вируси келтириб чиқарадиган касаллик (ОИВ инфекцияси) тарқалишига қарши курашиш тўғрисида” қонун қабул қилинган.