Uzbekistan Airways авиакомпанияси об-ҳаво шароитлари ёмонлашгани сабабли, бир қатор парвозлар кечиктирилишини маълум қилди.
Қайд этилишича, Наманган аэропорти ёпилди (кўриниш масофаси 50 метр). HY-095 (Тошкент-Наманган) қатнови соат 9:30 га кўчирилди.
HY-042 (Самарқанд-Тошкент) қатнови Тошкент аэропортида кўриниш етарли даражада бўлмаганлиги сабабли соат 09:30 га кўчирилди. Шу муносабат билан HY-065 (Тошкент-Термиз) қатнови соат 10:30 га кўчирилди.
HY-3620 (Жидда-Тошкент) қатнови ҳаво кемасининг сардори Тошкент аэропортида соат 07:17 да кўриниш етарли даражада бўлмаганлиги сабабли, самолётни Бухоро аэропортига қўндиришга қарор қилди. Ҳозирда самолёт Тошкентга учишга тайёрланмоқда, деб хабар қилди компания маҳаллий вақит билан 16 декабрь, соат 5.00 да.