Кураш бўйича Ўзбекистон терма жамоаси аъзоси Гулнор Сулаймонова 4 йилга спортдан четлатилди.
Бу ҳақда хабар қилган olamsport.com сайтига кўра, спортчининг Жанубий Кореяда ўтказилган жаҳон чемпионати вақтида топширган таҳлилидан тақиқланган метаболит моддаси топилган.
Гулнор Сулаймонова 2018 йилги Осиё ўйинларида олтин медаль соҳибасига айланганди. Ўзбекистон кураш ассоциацияси матбуот хизматининг www.olamsport.com сайти мухбирига маълум қилишича, ушбу жазонинг ўтган йилги муваффақиятга алоқаси йўқ.
Сулаймоновадан ташқари шунингдек -60 кг вазнли курашчи Аброр Жабборов ҳам допинг сабаб 2 йилга дисквалификация қилинди.
Спортчиларнинг Жанубий Кореядаги жаҳон чемпионатида қайд этган натижалари бекор қилинди.