Жорий йил ноябрь ойи натижаларига кўра, Ўзбекистон симли интернет тезлиги бўйича 11 поғона юқорилаб, дунёнинг 180 мамлакати ўртасида 108-ўринни эгаллади. Speedtest Global Index рейтинги Ирландиянинг Ookla ширкати томонидан тузилган.
Тадқиқотдан маълум бўлишича, шу кунда Ўзбекистонда симли интернет тезлиги 21,47 Мбит/с.ни ташкил қилади.
Айни пайтда мобиль интернет тезлиги бўйича Ўзбекистон ноябрь ойида 135-ўринни эгаллаган. Бу октябрь ойидаги кўрсаткичга нисбатан 1 поғонага юқоридир.