Самарқанд, Андижон, Бухоро, Термиз ва Қарши Давлат университетлари қошида Педагогика институти ташкил этилади. Бу иш Ўзбекистон президентининг шу йил 27 февраль куни қабул қилинган “Педагогик таълим соҳасини янада ривожлантириш чора-тадбирлари тўғрисида”ги қарори асосида амалга оширилади.
Университетлар қошида Педагогика институтлари ташкил этиш ҳудудларда педагогик таълим инфратузилмасини яхшилаш, таълим соҳаси учун мутахассис тайёрловчи олий таълим муассасаларини тизимли ривожлантириш ва бошқарув фаолиятини такомиллаштириш мақсадида амалга оширилаётгани урғуланган.