Жаҳон давлатларидаги иқтисодий эркинлик рейтингида бу йил Ўзбекистон 57,2 балл билан 116-ўринни эгаллади. Бу мамлакатнинг ўтган йилдаги кўрсаткичга (140-ўрин) нисбатан 26 поғона юқорилаганини англатади.
Ш. Мирзиёев президентликка сайланганидан бери Ўзбекистон Heritage Foundation ташкилотининг мазкур рейтингида йил сайин юқорилаб бораётганига қарамай, ҳали-ҳамон “иқтисоди эркин бўлмаган” мамлакатлар қаторида қолмоқда.
Марказий Осиё мамлакатларидан Тожикистон ҳам (155-ўрин) Ўзбекистон каби иқтисоди эркин бўлмаган мамлакатлар сирасига киради.
Минтақа давлатларидан фақат Туркманистонгина (170-ўрин) “иқтисоди репрессив” мамлакатлар сафида қолган.
Қозоғистон (39-ўрин)билан Қирғизистон (81-ўрин) эса иқтисоди қисман эркин бўлган мамлакатлар ўлароқ саналган.