Шу йилнинг 24 март куни соат 00:01 дан бошлаб Қорақалпоғистон ва вилоятлардан пойтахт Тошкентга ҳамда Тошкент шаҳридан Қорақалпоғистон ва вилоятларга амалга оширилаётган жамоат транспорти ҳаракатини вақтинчалик чеклаш режаланмоқда.
Бу ҳақдаги қарор, Koronavirus Info каналининг маълум қилишича, Ўзбекистонга коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссияси кўрсатмасига кўра Транспорт вазирлиги томонидан олинган.
Комиссия пойтахт Тошкентда ҳам жамоат транспорти (автобус, метро ва йўналишли такси) ҳаракатини вақтинчалик тўхтатишга қарор қилган.
Қайд этилишича, жамоат транспорти ўрнига вақтинча Тошкент шаҳар Санитария эпидемиологик осойишталик маркази томонидан махсус дезинфекция қилинган таксилар ҳаракатланади.