Тошкент шаҳридаги 17-клиник шифохонаси ва пойтахтнинг Мирзо Улуғбек туманидаги 8-оилавий поликлиника карантинга ёпилди. Бу ҳақда Бош санитария инспектори Нурмат Отабеков 14 апрель куни Ахборот ва оммавий коммуникациялар агентлигида ўтказилган брифингда маълум қилган.
Пойтахтдаги икки тиббиёт маскани нима сабабдан карантинга ёпилгани юзасидан изоҳ берилган эмас.
Аввалроқ Озодлик Тошкентдаги 6-сонли туғруқхона 5 апрелдан барча беморлар ва тиббиёт ходимлари билан карантинга ёпилгани ҳақида хабар қилганди. Туғруқхонанинг ёпилишига беморлардан бири билан мулоқотда бўлган шахсда коронавирус аниқлангани сабаб бўлган.