Грузиянинг TBC Bank гуруҳи Ўзбекистонда ишлаш учун рухсатнома олди. Бу ҳақда “Вердикт” нашри банк Бош директори Вахтанг Буцхрикидзега таянган ҳолда 21 апрелда хабар берди.
Унинг айтишича, банкнинг шўъбаси 2020 йилнинг июнь ойидан Тошкентда ўз фаолиятини бошлайди.
Вахтанг Буцхрикидзега кўра, банк Ўзбекистонда жисмоний ва юридик шахсларга нақд пулда бериладиган кредитларни, ойлик иш ҳақини гаровга олиш эвазига бериладиган кредитларни ва автокредитларни таклиф қилмоқчи.
Бундан ташқари банк савдо соҳасини молиялаштиришни ҳам режалаштирмоқда.