“Ўзбекгидроэнерго” Россия билан ҳамкорликда “Сардоба” сув омборида кичик ГЭС қурилишини бошлади.
“Ўзбекгидроэнерго” акциядорлик жамиятининг билдиришича, 2020-2022 йилларга мўлжалланган ушбу лойиҳанинг умумий қиймати 21,3 миллион еврога тенг. Бу пулнинг 19 миллион 200 минг евросини Россиянинг “Росэксимбанки” бермоқда. “Ўзбекгидроэнерго” эса 3 миллион 700 минг евро билан иштирок этмоқда.
Қурилишнинг бош пудратчиси сифатида Россиянинг “Силовые машины – ЗТЛ, ЛМЗ, Электросила, Энергомашэкспорт” ширкати танлаб олинган.
ГЭСнинг умумий қуввати 10,7 МВтга тенг. ГЭСда 5,35 МВт дан иборат иккита гидроагрегат ўрнатилиши режалаштирилган. Йиллик ишлаб чиқариш қуввати 41,1 млн. кВт.соатга тенг бўлади.