“Ўзбекистон темир йўллари” акциядорлик жамияти Афғонистоннинг Ҳайратон станциясига тезюрар юк поездларининг мунтазам қатновини йўлга қўйди. Бу ҳақда Транспорт вазирлиги матбуот хизмати маълумот тарқатди.
Вазирлик мазкур юк поездининг бир қисми пойтахт Тошкентда шакллантирилиши ва йўналиш бўйлаб, ҳудудларда ҳам шаклланган экспорт юки ортилган вагонлар мазкур поездга бириктирилишини билдирган.
Қайд этилишича, авваллари Тошкентдан Афғонистонга жўнатилган вагон 5-6 кун ичида етказиб берилган бўлса, эндиликда юклар Ўзбекистон пойтахтидан Ҳайратон станциясига 2 кун ичида тезюрар юк поездларида етказиб берилмоқда. Тезюрар юк поезди ҳафтасига 3 маротаба қатнаши қўшимча қилинган.