Ўзбекистонда коронавирусга қарши кураш учун ҳозирга қадар Инқирозга қарши курашиш жамғармасидан 2 триллион 250 миллиард сўм сарфланди. Хорижий халқаро молия институтларидан эса 500 миллион доллар жалб қилинди. Бу ҳақда 5 май куни ўтган йиғилишда президент Шавкат Мирзиёев маълум қилди.
Президентнинг айтишича, беморларнинг 66 фоизи тўлиқ соғайган. Карантинга олинган одамларнинг 83 фоизи уйларига қайтган.
“Шифохоналарда қолаётган 740 нафар беморни даволаш, саломатлигини тиклаб, оиласи бағрига қайтариш учун барча зарур чоралар кўрилмоқда”, деди Мирзиёев.
Соғлиқни сақлаш вазирлигининг 6 май соат 10:00 ҳолатига берган маълумотида қайд этилишича, Ўзбекистонда коронавирус инфекцияси қайд этилганлар сони 2217 нафарни ташкил қилди. Тузалганлар 1501 киши, 10 бемор вафот этган