Бухоролик 29 ёшли Ш.З. ўзи яшаётган кўп қаватли уйда гултувакларда таркибида гиёҳвандлик воситаси бўлган 4 туп “каноп” ўсимлигини экиб, парваришлаб келаётганлиги аниқланган.
Бухоро вилояти ИИБ ахборот хизмати маълумотига кўра, мазкур шахс 9 май куни соат 13:40 ларда Бухоро вилояти ва Бухоро шаҳар ИИО ФМБ тезкор ходимлари томонидан ўтказилган тадбирда қўлга олинган.
“Мазкур ҳолат юзасидан Ш.З. га нисбатан Ўзбекистон Жиноят кодексининг 270-моддаси 1-қисми (Тақиқланган экинларни етиштириш – таҳр.) билан жиноят иши қўзғатилган”, дейилади хабарномада.