Тарихдаги энг йирик капиталлашган корпорация – Apple Distribution International Limited I чоракда Ўзбекистонга 59,2 минг доллар миқдорида қўшилган қиймат солиғи (ҚҚС) тўлади. Давлат солиқ қўмитасининг 11 майда билдиришича, мазкур ташкилот Ўзбекистонда ихтиёрий равишда ҚҚС тўловчиси сифатида рўйхатдан ўтган эди.
Ўзбекистонда 2020 йилдан бошлаб жисмоний шахсларга хизматларни электрон шаклда тақдим этадиган хориж компаниялари учун қўшилган қиймат солиғи тўлаш тартиби жорий этилганди.
Солиқ қўмитасининг маълум қилишича, мазкур тартибга асосан Ўзбекистонда электрон хизмат кўрсатаётган 10 та чет эл компанияси ҚҚС тўловчиси сифатида рўйхатдан ўтди.
Аввалроқ Google Commerce Limited ҳам Ўзбекистон ҳудудида кўрсатган хизматлари учун 2020 йил I чораги якунларига кўра, 85 минг евро ҚҚС тўлаган.
Бундан ташқари, фильмлар ва сериаллар етказиб берувчи – Netflix International B.V. компанияси ҳам Ўзбекистон бюджетига 4,3 минг евро миқдорида ҚҚС тўлаган.