“Ўзмиллийбанк” АЖнинг Эски Жўва бозоридаги биноси кимошди савдосига қўйилди. Бу ҳақда Давлат активларини бошқариш агентлиги маълумот тарқатди.
Электрон онлайн аукционларни ташкил этиш маркази маълумотига кўра, лот рақами 0208485 бўлган икки қаватли бинода 73 та хона мавжуд. Бино қайси йилда қурилгани маълум эмас.
Умумий майдони 0,2455 гектар, фойдали майдони 4249,85 квадрат метр бўлган мулкнинг бошланғич нархи 22 млрд 528 млн 151 минг сўм қилиб белгиланган.
Кимошдида қатнашиш учун аризалар 22 июнгача қабул қилинади, савдонинг ўзи эса 24 июнь куни ўтказилади.