Жорий йилнинг 15 июнидан UzAuto Motors Россия Федерациясида Ўзбекистонда ишлаб чиқарилган автомобилларни Chevrolet бренди остида сота бошлаган. Бу ҳақда "UZAUTO MOTORS" АЖ ўз Телеграм-канали орқали маълум қилди.
Маълумотларга кўра, россиялик харидорларга тақдим этиладиган илк моделлар Chevrolet Spark, Nexia ва Cobalt автомобиллари бўлади.
Қайд этилишича, 85 от кучига эга Chevrolet Spark автомобилига 719 минг 900 рубль, 105 от кучига эга Chevrolet Nexia автомобилига 699 минг 900 рубль, 106 от кучига эга Chevrolet Cobalt автомобилига эса 749 эса 900 рубль нарх белгиланган.
Ширкат, General Motors ва UzAuto Motors ўртасида тузилган келишув шартларига кўра, ушбу моделлар (Chevrolet бренди остида) Беларус ва Қозоғистон экспорт бозорларида ҳам сотилаётганини эслатади.