2020 йилнинг бошидан бери Ўзбекистонда сувга чўкиб, ҳалок бўлганлар сони 64 нафарга етган. Бу ҳақда Фавқулодда вазиятлар вазирлиги ахборот хизмати ходими Самандар Ҳикматуллаев 18 июнь куни АОКА ҳузуридаги штабда бўлиб ўтган брифингда маълум қилган.
Мулозимга кўра, чўкиб кетганларнинг 20 нафардан зиёди вояга етмаган болалардир. Хусусан, улардан 5 нафарини 5 ёшгача бўлган, 8 нафарини 14 ёшгача бўлган, 7 нафарини эса 18 ёшгача бўлган болалар ташкил этган.
ФВВ вакили ота-оналарни ўз фарзандларини қаровсиз қолдирмаслик ҳамда уларнинг бўш вақтларини унумли ўтказишда фаоллик кўрсатишга чақирган.