Ўзбекистон “Бўғувчи, заҳарли ёки бошқа шу каби газлар ва бактериологик воситаларнинг урушда қўлланилишини тақиқлаш тўғрисидаги Протокол”га қўшилди.
Norma ахборот-ҳуқуқий порталининг билдиришича, бу борадаги қонун 26 июнда қабул қилинди ва 26.06.2020 йилдан кучга кирди.
Мазкур протокол 1925 йил 17 июнда Женевада қабул қилинган ва унда “бундай турдаги ҳаракатлар цивилизациялашган дунёдаги жамоатчилик томонидан адолатли равишда қораланган”.
Женева протоколи – Бактериологик (биологик) ва токсик қуроллар захираларини тайёрлаш, ишлаб чиқариш ва йиғишни тақиқлаш ҳамда уларни йўқ қилиш тўғрисидаги конвенциянинг (1972 йил 10 апрель, Лондон, Вашингтон, Москва) давоми бўлиб, унинг нормаларини тўлдиради ва аниқлаштиради.
Бугунги кунда 142 та давлат, шу жумладан Ўзбекистоннинг МДҲ бўйича ҳамкорлари – Арманистон, Молдова, Россия, Тожикистон, Украина ва Қирғизистон Женева протоколи иштирокчиси ҳисобланади.