Ўзбекистонда коронавирус инфекцияси қайд этилганлар сони, 2020 йил 20 июль соат 23:30 ҳолатига кўра, 17314 нафарни ташкил этди. Бу ҳақда Соғлиқни сақлаш вазирлиги жамоатчилик билан алоқалар бўлими маълум қилди.
Якшанба куни мамлакат бўйлаб қайд этилган 562 та касаллик ҳолатидан 63 таси Карантин муассасаларида, 499 таси эса коронавирусга чалинган беморлар билан мулоқотда бўлган кишилар орасида аниқланган.
Хасталикка чалинган жами бемордан 9463 нафари соғайган. Қолган 7760 нафар бемордан 79 нафарининг аҳволи оғир, 29 нафарининг аҳволи эса ўта оғир экани айтилмоқда.