Ўзбекистонда коронавирус инфекцияси қайд этилганлар сони, 2020 йил 23 июль соат 23:30 ҳолатига кўра, 17881 нафарни ташкил этди. Бу ҳақда Соғлиқни сақлаш вазирлиги жамоатчилик билан алоқалар бўлими маълум қилди.
Сешанба куни мамлакат бўйлаб 567 та касаллик ҳолати қайд этилган, уларнинг барчаси вирусга чалинган беморлар билан мулоқотда бўлган кишилар орасида аниқланган.
Хасталикка чалинган жами бемордан 9521 нафари соғайган. Қолган 8265 нафар бемордан 101 нафарининг аҳволи оғир, 32 нафарининг аҳволи эса ўта оғир экани айтилмоқда.