АҚШнинг Ўзбекистондаги элчиси Даниэл Розенблюм ўзбекистонликларни Мустақилликнинг 29 йиллиги билан қутлади.
“Янада яхшироқ келажак қуриш учун меҳнат қилар экансиз, ҳар доим Қўшма Штатлар ва Америка халқи қўллови ва дўстлигига суянишингиз мумкин”, деган элчи Д. Розенблюм ўзбек тилида йўлланган ўз табригида.
Жаноб элчи ўз видеоқутловида Ўзбекистон мустақилликка эришган 1991 йилнинг 1 сентябрь куни оила қурганини қўшимча қилиб, бу кун билан рафиқаси Шерон хонимни ҳам табриклаган.
Бу элчи Д. Розенблюмнинг ўзбек халқига илк ўзбекча мурожаати эмас. У элчиликка тайинланган 2019 йил баҳорида ҳам, шу йил февралида ҳам (Навоийнинг таваллуд куни муносабати билан) ўзбекистонликларга давлат тилида мурожаат қилганди.