Наманган шаҳар Давлатобод туманидаги Шимолий Фарғона канали устига қурилган янги кўприк ҳали битмасидан сувга қулаган.
8 январ куни 37 метрлик кўприк қурилиш ишлари охирига етмасдан, ўртасидан бўлиниб кетган
Кўприк Ўн бир Аҳмад зиёратгоҳини ободонлаштириш жараёнида маҳаллий тадбиркорларнинг ҳомийлик ёрдами эвазига қурилаётган бўлган.
Маҳаллий расмийларига кўра, кўприк учун давлат бюджетидан маблағ сарфланмаган.
Наманган вилоят ҳокимлиги берган маълумотга кўра, кўприкни тадбиркор Маъруфхон Ҳожихонов яқинда 90 ёшида қазо қилган отасининг васиятини рўёбга чиқариш учун қурган.
Кўприк қулаши оқибатида инсоний талафот бўлмаган.
Тўрт йил аввал Хоразм вилояти маркази Урганчда концерт пайти кўл ёқасида қурилган кўприк панжараси қулаб тушган.
Оқибатда 16 инсон чўкиб кетган эди.