Ўзбекистон ва Россия "Спутник V" вакцинасини Ўзбекистонда ишлаб чиқаришга келишиб олган.
Препаратни ишлаб чиқариш учун жой ҳам танлаб олинган.
Бу ҳақда Россия Соғлиқни сақлаш вазири Михаил Мурашко маълум қилган.
"Россия Федерацияси президенти Владимир Путин ва Ўзбекистон президенти берган топшириғи доирасида "Спутник V"ни Ўзбекистонда ишлаб чиқаришга келишиб олдик", деган Мурашко РИА "Новости" агентлигига.
Россия вакцинасининг биринчи партияси Ўзбекистонга 23 апрел куни етказиб берилган эди.
"Спутник V"нинг 50 минг дозалик иккинчи компоненти Тошкентга 27 апрел куни олиб келинган эди.
"Спутник V" вакцинасининг коронавирусга қарши самарасига шубҳалар кучли.
Аргентина президенти Альберто Фернандез январь ва февраль ойларида икки дозада "Спутник V" вакцинаси билан эмлангандан сўнг апрелда Ковид-19га чалиниб қолганди.