Бухоро шаҳрининг Ислом Каримов кўчасида жойлашган кўп қаватли уйда рўй берган портлаш натижасида 12 киши тан жароҳати олган.
Бухоро вилоят прокуратураси маълумотига кўра, ҳодиса оқибатида бино ичида бўлган А.Мирзаев, Н.Самадов ва И.Сотиболдиевлар, портлаш жараёнида йўлдан транспорт воситаларида йўловчи сифатида кетаётган Ф.Жўраева, Ш.Ўринова, Н.Розиқова, Б.Жўраев, М.Маҳмудова, Б.Собирова, Ш.Идиева, Ф.Юлдашева ва Ш.Асадовалар турли даражадаги тан жароҳатлари олиб, РШТЁИМ Бухоро филиалига олиб келинган.
Қайд этилишича, А.Мирзаев оғир, Ш.Асадова енгил ва қолган барча фуқаролар ўрта оғир тан жароҳати олишган.
Бухорода янги қурилаётган кўп қаватли уйда 4 февраль куни маҳаллий вақт билан соат 17:30да портлаш содир бўлгани ҳақида Озодлик аввалроқ хабар қилганди.
Маълумотларга кўра, синов чоғида чақнаш содир бўлган хонадонда газ қувурининг тўсгичи бўлмагани туфайли сизиб чиққан газ ҳаво билан аралашгани важидан портлаш юз берган.
Бино "White Group Trading" МЧЖ томонидан 2019 йилдан бери қурилаётган эди.
Портлашдан сўнг ҳолат юзасидан Бухоро вилояти ИИБ ҳузуридаги ТБ томонидан Ўзбекистон Жиноят кодексининг 259-моддаси 2-қисми “б” банди билан жиноят иши қўзғатилган.