Ўзбекистонда коронавирус инфекцияси қайд этилганлар сони, жорий йилнинг 23 январь ҳолатига кўра, 215 минг 63 нафарга етган.
Соғлиқни сақлаш вазирлиги маълумотига кўра, якшанба куни Ўзбекистоннинг барча ҳудудларида 1 минг 296 нафар киши коронавирусга чалинган. Бу бир кун аввалги кундалик кўрсаткичга (1480 нафар бемор) нисбатан 184 кишига оздир, бироқ бу пасайишга қарамай, вирус юқтириб олиш билан боғлиқ кўрсаткич ҳали ҳам юқорилигича қолмоқда.
Сўнгги кунларда коронавирусга чалиниш бўйича кундалик кўрсаткичнинг шиддат билан ошиб кетгани Ўзбекистонга Omicron штаммининг кириб келиши билан боғланган.
ССВ қайдича, кеча мамлакат бўйлаб 942 нафар бемор тузалиб, соғайганларнинг умумий сони 204 минг 217 нафарга етган.
Вазирлик ўтган кеча-кундузда коронавирусга чалинган беморлардан яна 2 нафари вафот этиб, коронавирус қурбонлари сони 1 минг 542 нафарга етгани, шунингдек, 172 нафар кишида пневмония ҳам аниқланганини қўшимча қилган.