Ўзбекистон Марказий банки жорий йил 15 декабридан валюталарнинг сўмга нисбатан янги қийматини белгилади.
МБ маълумотига кўра, сешанбадан АҚШ долларининг расмий курси ўтган ҳафтага нисбатан 20 сўм 5 тийинга ошиб, 10 минг 463 сўм 12 тийинни ташкил этади (ўтган ҳафта 15 сўм 69 тийинга кўтарилиб, 10 минг 443 сўм 7 тийин бўлган эди). Бу АҚШ доллари расмий курсининг Ўзбекистонда кетма-кетига саккизинчи ҳафта ошишидир.
Евронинг расмий курси эса олдинги курсга нисбатан 14 сўм 88 тийинга ошиб, 12 минг 671 сўм 88 тийинга тенг бўлади (ўтган ҳафта евро курси 183 сўм 77 тийинга юқорилаб, 12 минг 657 сўм бўлган).
Валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини зиммасига олмаган.