Миллий масс-медиани қўллаб-қувватлаш ва ривожлантириш жамоат фондига Aкбар Ризаев директор этиб тайинланди.
Фонд маълумотига кўра, янги директор жорий йил 11 февралидан ишга киришган.
А. Ризаев бунгача Aхборот ва оммавий коммуникациялар агентлигида Aхборот-таҳлилий таъминоти бошқармаси бошлиғи лавозимида ишлаб келаётган эди.
Акбар Ризаевгача Фонд директори лавозимида Александра Колесниченко, ундан ҳам аввал эса ҳуқуқшунос-блогер Хушнудбек Худойбердиев ишлаган.
Ўтган йил январида ташкил этилган Миллий масс-медиани қўллаб-қувватлаш ва ривожлантириш жамоат фонди Ўзбекистонда журналист ва блогерларни қўллаш, сўз эркинлигини мустаҳкамлаш, Ўзбекистон имижини янада яхшилашни ўз олдига мақсад қилиб қўйган.
Фонднинг Васийлик кенгашини Алламжонов-Мирзиёева тандеми бошқариб келмоқда.