Ўзбекистон президенти Шавкат Мирзиёев 15 май куни туркиялик ҳамкасби Ражаб Тоййиб Эрдўғонни Туркияда президент ва парламент сайловларининг муваффақиятли ўтказилгани билан қутлаган.
Президент матбуот хизмати қайдича, Мирзиёев телефон мулоқоти чоғида якшанба кунги сайловларда Эрдўғон ва унинг етаклигидаги AKP дохил бўлган Жумҳур иттифоқи сайловчиларнинг кўпчилик овозини қозонганини урғулаган.
Сайловнинг дастлабки натижаларига кўра, Эрдўғон 14 май кунги президент сайловида мутлақ ғалабага эриша олмаган. 49 фоиздан кўпроқ олган Эрдўғон сайловдаги асосий рақиби – мухолифатдаги Миллат иттифоқи номзоди Камол Қиличдорўғли билан биргаликда сайловнинг иккинчи босқичига чиққан.
Бу Эрдўғоннинг икл маротаба иккинчи босқичга қолишидир. Аввалги президент сайловида (2018 йили) у биринчи босқичдаёқ ғолиб деб эълон қилинган эди.
Сайловнинг иккинчи босқичи 14 май куни бўлиб ўтиши кутилмоқда. Илк босқичда Эрдўғонга рақиб бўлган Камол Қиличдорўғли, дастлабки натижаларга кўра, 44,95 фоиз, АТА иттифоқи номзоди Синан Ўған 5,20 фоиз, сайлов пойгасидан чиққанини эълон қилган Муҳаррем Инжа эса 0,43 фоиз овоз тўплаган.