Россиянинг Москва вилояти Митишчи шаҳрида ёнғин хавфсизлигига риоя қилинмагани оқибатида 3 май куни уч киши нобуд бўлди.
112 Телеграм-канали маълумотига кўра, ёнғин чиқишига 4-қаватдаги хонадон эгаси бўлган 58 ёшли Евгений Филатовнинг сигарет қолдиғини ўчирмасдан ухлаб қолгани сабаб бўлган. Уйга ўт кетиши ортидан уйғонган Филатов ўзини деразадан пастга ташлаган. У олинган жароҳатлар туфайли касалхонада жон берган.
Ёнғин чоғида кўп қаватли уй лифтида бўлган ўзбекистонлик икки киши (46 ва 35 ёшли) нафаслари бўғилиши натижасида нобуд бўлганлар.
Ёнғин пайтида мазкур уйда яшаганлардан яна 15 нафари тиббий ёрдам учун врачларга мурожаат қилгани айтилмоқда.