Навоийда шаҳар марказига ўрнатилган бош арча ёниб кетиши ортидан 28 декабрь куни унинг ўрнига янгисини ўрнатиш бўйича ишлар бошлаб юборилган. Бу ҳақда Навоий вилояти ҳокимлиги ахборот хизмати маълумот тарқатди.
Навоий шаҳри марказидаги вилоятнинг бош арчаси 27 декабрь оқшомида ёниб кетгани ҳақида Озодлик аввалроқ хабар қилган.
Ҳодиса сабабини ўрганган мутахассислар арчанинг ёниб кетганига электр симларида чиққан қисқа туташув сабаб бўлганини тахмин қилганлар.
Ўтган ҳафта, аниқроғи, 23 декабрь куни Фарғона шаҳри марказий деҳқон бозорига ўрнатилган арча ёниб кетганди.
26 декабрь куни эса Термиз шаҳри марказида ўрнатилган 20 метрли янги йил байрами арчаси кучли шамолга дош беролмай қулаб тушган.