2021 йилнинг январь-ноябрь ойларида Ўзбекистондан хорижий мамлакатларга 81,6 минг тонна помидор экспорт қилинган. Бу ўтган йилнинг шу даврига нисбатан 8,4 минг тоннага камдир.
Ўтган йилнинг 11 ойи давомида чет элга экспорт қилинган помидорнинг умумий қиймати, Давлат статистика қўмитаси маълумотига кўра, 56,4 миллион AҚШ долларига тенг бўлган.
Ўзбек помидорини энг кўп Россия (40,2 минг тонна) ва Қозоғистон (26,5 минг тонна) сотиб олган. Ўзбекистонда етиштирилган помидорнинг асосий харидорлари орасида Қирғизистон (12,7 минг тонна) ва Тожикистон (2 минг тонна) каби қўшни давлатлар ҳам бор.
Бундан ташқари, мамлакатда етиштирилган помидор Беларусь – 53,6 тонна, АҚШ (20,9 тонна), Монголия (15,6 тонна), Афғонистон (12 тонна), Украина (10,1 тонна), Бирлашган Араб Амирликлари (9,9 тонна) ва бошқа мамлакатларга ҳам экспорт қилинган.
Экспортга кетаётган помидор энг кўп Тошкент, Фарғона ва Хоразм вилоятларида етиштирилгани айтилмоқда.