Чет элдан Ўзбекистонга “Ягона трансчегаравий пул ўтказмалари” тўлов тизими ташкил этилади.
Бу ҳақда Вазирлар Маҳкамасининг “Трансчегаравий пул ўтказмаларини таъминлаш бўйича тўлов тизимини ташкил этиш чора-тадбирлари тўғрисида”ги қарорида қайд қилинган.
Қарорда таъкидланишича, трансчегаравий пул ўтказмаларини амалга ошириш мақсадида Ўзбекистон миллий банки негизида янги тўлов тизими йўлга қўйилади.
Ушбу тизим Москвадаги “Азия – Инвест Банк” ёрдамида амалга оширилиши режаланган.
Расмий ҳужжатга кўра, Россияда ишлаётган ўзбекистонликларнинг ишга жойлашиш бўйича харажатлари учун кредитлар ажратиш лойиҳаси ҳам ишлаб чиқилади.