Жорий йилнинг 10 июль тонгида Самарқанддан Москвага йўл олган Sukhoi Superjet 100 учоғи техник носозлик туфайли ортга қайтишга мажбур бўлган. Бу ҳақда РИА Новости хабар қилди.
Қайд этилишича, “Россия” авиаширкатининг FV-6552 рейси жадвалга мувофиқ равишда якшанба куни соат 07:17 да “Самарқанд” халқаро аэропортидан Москвага парвоз қилган.
“Техник сабабларга кўра экипаж учиб чиқилган аэропортга қайтиш қарорини қабул қилган ва соат 09.00 да [Самарқанд аэропортига] қайтиб қўнган”, дея иқтибос келтирган аэропорт ходими сўзларидан агентлик.
РИА Новости манбасига кўра, ҳодиса чоғида ҳеч ким жабрланган эмас.