Жорий йилнинг 9 декабридан Ўзбекистон пойтахтидан Андижон шаҳрига қўшимча поезд қатнови йўлга қўйилади.
“Ўзтемирйўлйўловчи” АЖ матбуот хизмати маълумотига кўра, “Тошкент-Андижон-Тошкент” йўналишида ҳаракатини амалга ошираётган 60/59-сонли йўловчи поезди бугундан эътиборан ҳафтанинг пайшанба кунлари ҳам қатнай бошлайди.
Мазкур поезд 9, 16, 23 ва 30 декабрь кунлари амалдаги жадвал асосида Тошкент марказий ҳамда Андижон темир йўл вокзалларидан ҳаракатланиши билдирилган.